Golden Eagle Ylli ka ndarë rrugët me trajnerin grek Fotis Takianos.

Lajmi u bë i ditur përmes një postimi në rrjetin social Facebook të klubit suharekas, shkruan Arbresh.info.

“Golden Eagle Ylli njofton se, me marrëveshje të dyanshme, ka përfunduar bashkëpunimi me trajnerin Fotis Takianos.”

“Falenderojmë trajnerin Takianos për përkushtimin dhe kontributin që ka dhënë gjatë kohës së tij në klub. Trajnerit, i urojmë suksese të mëtejshme në karrierë”, thuhet në njoftimin e Yllit.

Përkundër pritshmërive të mëdha të klubit, Ylli me grekun e ka nisur sezonin jashtëzakonisht keq, duke shënuar vetëm një fitore në gjashtë ndeshje.

Kështu Ylli rendit i gjashti në tabelë. Krizën edhe më të thellë e bëri humbja ndaj Borës, në fundjavë ku coi deri në largimin e trajnerit.

Sfidën e radhës Ylli e luan ndaj Rahovecit në udhëtim./Arbresh.info